«Реал» футболчиси Лукас Вакес Испания Суперкубоги ярим финалидан олдин матбуот саволларига жавоб берди.

Мотивация ҳақида
«Биз ғалабаларни давом эттиришни истаймиз – эртага бизда Суперкубок финалига чиқиш имконияти бўлади. Бу бизнинг асосий мақсадимиз. Ғалаба чанқоқлик бизни ҳаракатга келтиради».

Сардорлик ҳақида
«Мадрид» сардорлик боғичини тақиш мен учун катта шараф. Кўпчилик бундай орзу қилади, ва мен бу орзумни амалга оширишга муваффақ бўлдим. Сардор бўлиш катта масъулият».

Келаси мавсум ҳақида
«Ҳозирча келгуси мавсум ҳақида гапиришга эрта. Мен «Мадрид»да бахтиёрман ва мавсумдан завқ оляпман. Нима бўлишини кўрамиз, ҳозирча аниқ ҳеч нарса айта олмайман».

Карвахал ҳақида
«Карвахалнинг жароҳати биз учун жиддий йўқотиш. Мен дунёнинг энг яхши клубида барчага қўлимдан келган ёрдамни беришга ҳаракат қиляпман».

Ўйин ҳақида
«Биз учун бу совринни қўлга киритиш имконияти. Биз финалга чиқишни ва ғалаба қозонишни жуда хоҳлаймиз. Олдимизда кўп мақсадлар бор ва ҳар бирини жиддий қабул қиламиз».

«Мальорка» ҳақида
«Биз рақибни яхши биламиз. Бу жамоа якдил бўлиб ҳаракат қилади, улар тўп билан ҳам, ундан ташқарида ҳам ажойиб ўйнайди. Бу мавсум улар жуда яхши формада».

Трент ҳақида
«Сиз мендан «Реал Мадрид»да ўйнамайдиган футболчи ҳақида сўраяпсиз. Мен бу борада ҳеч нима айта олмайман, фақат эртанги ўйинга диққатимизни қаратаётганимизни айтсам бўлади».