Мадриднинг "Реал" клуби футболчиси Орельен Тчуамени Испания Суперкубоги нимчорак финалида "Мальорка"га қарши ўйиндаги ғалабадан сўнг (3:0) интервью берди.
Франциялик футболчи ўйиннинг 55-дақиқасида рақиб футболчисига боши билан тўқнашиб кетганидан кейин алмаштирилди. Қолган вақтда "қаймоқранглилар" жавобсиз учта гол уриб, "Барселона"га қарши майдонга тушадиган финалга йўл олишди.
"Мен яхшиман, ҳеч нарса бўлмади. Шифокорлар жиддий воқеа юз берган тақдирда майдонни тарк этишим кераклигини айтишди, лекин ўзимни жуда яхши ҳис қиляпман. Кейинги ўйинга қадар тўлиқ тикланишни режалаштирмоқдаман", - дея Тчуамени сўзларини келтиради Madrid Zone.
