Мадриднинг "Реал" клуби қанот ярим ҳимоячиси Анхель ди Марияга "Монако" клуби қизиқмоқда. Бу ҳақида Record нашри хабар тарқатган.
Француз клуби аллақачон аргентиналик футболчи трансфери борасида қироллик клубига таклиф юборган ва уни 30 миллион еврога ҳарид қилмоқчи эканлигини билдирган. Эслатиб ўтамиз, рахбари россиялик бизнесмен Дмитрий Риболовлев бўлган "Монако" яқинда ёзги трансфер кампанияси учун 200 миллион евро сарфлашга тайёр эканини эълон қилганди.
Клуб аллақачон ҳаридларни амалга оширишни бошлаб юборган:: "Порту"дан ярим ҳимоячи Жоау Моутиньо 25 миллион еврога сотиб олинган бўлса, худду шу клуб вакили, хужумчи Жеймс Родригес учун 45 миллион евро тўланди. Шунингдек, тез орада "Барселона" дарвозабони Виктор Валдес ва "Атлетико" хужумчиси Радамел Фалкаолар билан ҳам шартнома имзоланиши кутилмоқда.