"Бавария" ярим ҳимоячиси Жошуа Киммих фаолиятини қаерда давом эттириши ҳақида ҳали бир қарорга келмаган. 29 ёшли футболчининг шартномаси 6 ойдан кейин якунига етади.
Журналист Флориан Платтенбергнинг ёзишича, Рождество олдидан “Бавария” раҳбарияти Киммихдан келажаги ҳақида 5 январгача жавоб беришни сўраган.
Клуб футболчига ультиматум қўймаган, аммо белгиланган муддатгача ундан жавоб эшитишини кутган. Илтимосга қарамай, ярим ҳимоячи ҳалигача мюнхенликлар жамоасини ўз қарори ҳақида хабардор қилмаган.
