"Реал Мадрид" ярим ҳимоячиси Аурелиен Тчуамени "Барселона"га қарши ўйинда иштирок этишга тайёр. Франциялик футболчи пайшанба куни бўлиб ўтган Испания Суперкубоги ярим финалида “Мальорка”га (3:0) қарши ўйиннинг 55-дақиқасида алмаштирилди.
Ярим ҳимоячи рақибининг боши билан тўқнашиб кетди ва “қаймоқранглилар” шифокорлар футболчининг соғлиғини хавф остига қўймасликка қарор қилишди. Cope хабарига кўра, Тчуамени бўлажак "Эль-класико"га тайёр бўлади. Учрашув якшанба куни Суперкубок финали доирасида бўлиб ўтади.
Кўпинча марказий ҳимояда ўйнайдиган ҳимоячи жорий мавсумда Карло Анчелотти жамоасида 22 та ўйинда майдонга тушди.
