"Реал" бош мураббийи Карло Анчелотти "Барселона"га қарши бўлиб ўтадиган ўйинда Лука Модричга умид боғлаши мумкин. Хорватиялик футболчи касаллиги туфайли Испания Суперкубоги ярим финалида “Малёрка”га қарши ўйинни ўтказиб юборди.
Унда 3:0 ҳисобида ғалаба қозонган “қаймоқранглилар” финалга йўл олди. Журналист Мелчор Руизнинг ёзишича, 39 ёшли футболчи “Барселона” билан финал жангида майдонга тушишга тайёр.
Лука Модрич жорий мавсум “Реал” сафида 27 та ўйинда майдонга тушиб, 2 та гол урди ва 4 та голли узатмани амалга оширди.













