"Барселона" бош мураббийи Ханс-Дитер Флик машғулотларга кеч келганларга тоқат қилиш ниятида эмас.

Яқинда Испания Суперкубоги доирасида "Атлетик Бильбао"га қарши ўйинда мураббий эрталабки жамоа йиғилишига кечикиб келган асосий дарвозабон Иняки Пеньяни захира ўриндиғига юборди.

Mundo Deportivo хабарига кўра, кечикиш учун худди шундай жазолар бошқа ҳар қандай футболчига, жумладан Роберт Левандовски, Ламин Ямал, Педри ва бошқа юлдузларга ҳам қўлланилади.

Немис мутахассиси қатъий тартиб-интизом топ-клубдаги кийиниш хонасини муваффақиятли бошқаришнинг калити деб ҳисоблайди.