"Бавария"нинг чап қанот ҳимоячиси Альфонсо Дэвис бўлажак Чемпионлар лигаси финали ҳақидаги фикрлари ҳақида гапирди.
Энг нуфузли еврокубок финал ўйини 31 май куни Мюнхендаги "Альянц Арена"да бўлиб ўтади.
"Албатта, финалга чиқиш биз учун катта аҳамиятга эга. Ким Чемпионлар Лигаси финалида ўз стадионида ўйнашни хоҳламайди? Аниқ биламанки, мухлисларимиз ҳам, биз ҳам хурсанд бўламиз. Аммо биз у ерга бориш жуда қийин бўлишини ҳам тушунамиз. Ғалаба қандай бўлишини билмайман, чунки мен буни ҳеч қачон бошдан кечирмаганман. Умид қиламанки, кейинги сафар бу ҳақда гаплашсак, мен сизга ўз уйимизда кубокни кўтариш қандай эканлигини айтиб бераман", - дея Дэвиснинг сўзларини келтиради «Bayern & Germany».
