Мадриднинг "Реал" клуби ярим ҳимоячилари Федерико Вальверде ва Жуд Беллингем Испания Суперкубоги финалида майдонга тушиши кутилмоқда.
Пайшанба куни "лос-бланкос" ярим финалда "Мальорка" билан тўқнаш келганида, Карло Анчелотти тушунтирганидек, иккала футболчи ҳам зўриқишлардан азият чекди. Бироқ, журналист Гильермо Райнинг хабар беришича, уругвайлик ва инглиз финалда муаммога дуч келмаслиги керак. Ярим ҳимоячилар якшанба кунги "эл-класико"га тўлиқ тайёр ҳолатда бориши кутилмоқда.
"Реал Мадрид" - "Барселона" учрашуви Тошкент вақти билан соат 23:59'да бошланади.













