"Манчестер Юнайтед" марказий ҳужумчиси Жошуа Зиркзее қишки трансфер ойнасида жамоасини ўзгартириш ниятида эмас. Бу ҳақда журналист Флориан Плеттенберг хабар берди.

Манба берган хабарга кўра, 23 ёшли нидерландиялик футболчи "Манчестер Юнайтед"га жамоада қолишни ва жорий мавсумнинг иккинчи ярмида ўзини кўрсатишга ҳаракат қилишини айтган. "Ювентус" форвардни кузатишда давом этаётгани айтилмоқда, бироқ томонлар ўртасида ҳозирча музокаралар бўлмаган.

Жорий мавсумда Зиркзе барча турнирларда 28 та ўйинда майдонга тушиб, 4 та гол урди ва 2 та голли узатмани амалга оширди.