"Реал" бош мураббийи Карло Анчелотти "Барселона"га қарши бўлиб ўтадиган Испания Суперкубоги финали ҳақида гапирди.
"Биз ўзимизни яхши ҳис қиляпмиз, бизда катта иштиёқ ва илҳом бор. Биз муаммоларни ҳал қилдик ва финалга ишонч билан яқинлашмоқдамиз.
"Барселона" бизнинг тарихий рақибимиз, ўйинларимиз доимо шиддатли. Бизга ҳам, рақибимизга ҳам қийин бўлади. Ўйин натижасини олдиндан айтиб бўлмайди. Биз нима қилиш кераклигини аниқ биламиз, аммо натижа кўп омилларга боғлиқ. Биз фақат ўз ўйинимизни назорат қила оламиз. Ишончим комилки, эртага биз жуда яхши ўйнаймиз", - деди Анчелотти матбуот анжуманида.
