Ханс-Дитер Флик футболчилар кечикаётгани ҳақида гапирди.
Эслатиб ўтамиз, "Барселона" дарвозабони Иньяки Пенья Испания Суперкубоги нимчорак финалида "Атлетик" билан ўйин (2:0) олдидан жамоанинг эрталабки машғулотларига кечиккан эди. Шу сабабли Войцех Шенсни каталонияликларнинг асосий таркибидан жой олди.
Турнир финалида "Барса" "Реал Мадрид" билан тўқнаш келади. Учрашув эртага, 12 январь куни бўлиб ўтади.
"Мен ҳеч қачон бўлажак ўйин учун асосий таркиб ҳақида гапирмайман. Шенсни яхши ўйин ўтказди ва Иньяки мавсумнинг биринчи қисмини ажойиб ўтказди. Бу тўғри.
Испанияда бошқача менталитет бўлиши мумкин, лекин буни тушунтиришим керак. Улар профессионаллар. Улар ўз вақтида келишлари керак. Бу учинчи марта содир бўлмоқда, бошқа иложим йўқ эди. Сиз эртароқ келсангиз бўлади, бу муаммо эмас, деди "Барселона" бош мураббийи.
