"Ливерпуль" шанба куни Англия кубоги учинчи босқичида "Акрингтон Стэнли"ни 4:0 ҳисобида мағлуб этди.
Голлардан бирини Федерико Кьеза киритди. Бу италияликнинг инглиз клуби либосидаги биринчи голи бўлди.
Ўйиндан сўнг “қизиллар” бош мураббийи Арне Слот Кьзанинг голи ҳақида фикр билдирди.
"Бу, албатта, яхши биринчи қадам. Аммо мен "Акрингтон Стэнли"нинг ўйинидан қанчалик завқланган бўлсам ҳам, биз тўртинчи дивизион даражаси ҳақида гапираётганимизни унутмаслигимиз керак.
Кьезанинг майдонга қайтгани яхши. У хавфли эди, лекин келинг, ўз кучимизга ортиқча баҳо бериб қолмаслигимиз керак", деди Слот.
