"Ювентус" А Сериядаги мағлубиятсиз сериясини давом эттирди.
Тиаго Мотта шогирдлари 20-турда "Торино" билан очко бўлишиб олди – 1:1.
"Бьянконерилар" жорий мавсум чемпионатда бирорта ҳам мағлубиятга учрамаган. Уларда 7 ғалаба ва 12 дуранг бор. "ПСЖ" ҳам Европанинг кучли беш лигасида мағлуб бўлмаган, қолганлари эса камида бир марта мағлуб бўлган.
Шу билан бирга, сўнгги етти турда "Ювентус" бор-йўғи битта ғалабага эришди – 22 декабрь куни "Монца" устидан (2:1). Қолган баҳсларда эса бир очко қўлга киритилди.
Туринликлар 19 ўйиндан сўнг 33 очко жамғариб, пешқадам "Наполи"дан 11 очко ортда қолмоқда. Айни пайтда улар 5-ўринда.
