Праганинг "Славия" клуби футболчиси Малик Диуф "Ливерпуль" эътиборини тортди.
Инглиз гранди вакиллари аллақачон 20 ёшли ҳимоячининг агенти билан боғланишган, деб хабар беради журналист Амаду Бамба. Чехия клуби сенегаллик футболчининг нархини 25 миллион еврога баҳоласа, машҳур Transfermarkt порталида футболчининг нархи 16 миллион еврога баҳоланмоқда.
Малик Диуф ҳам ҳимоя қанотида, ҳам ҳужумга яқинроқ ўйнашга қодир. У жорий мавсум "Славия" сафида 28 та ўйинда майдонга тушиб, 6 та гол ва 3 та голли узатмага муаллифлик қилган. Африка футболининг ўсиб бораётган юлдузининг амалдаги шартномаси 2028 йилнинг ўрталарига қадар тузилган.
