"Челси" марказий ҳимоячиси Аксель Дисаси шу ойда жамоани тарк этиши мумкин.

Мураббий Энцо Мареска франциялик футболчига унчалик ишонмайди, шу боис футболчининг яқин орада кетиши ҳақида гап-сўзлар анчадан бери давом этмоқда. Журналист Жанлука ди Марционинг сўзларига кўра, агар "Челси" Дисаси билан уни сотиб олиш мажбурияти билан ижарага олмоқчи бўлган клуб топилса, январь ойида у билан хайрлашади. Мунтазам ижара ёки сотиб олиш имконияти билан вариантлар "аристократлар" учун унчалик қизиқ эмас.

"Ювентус" Аксель Дисаси учун асосий даъвогар саналади. Transfermarkt портали мутахассислари 26 ёшли футболчининг нархини 30 миллион еврога баҳоламоқда. Марказий ҳимоячининг шартномаси 2029 йилгача мўлжалланган.