Серхио Консейсау "Милан" бошқарувида дебют қилди, аммо унинг жамоаси "Кальяри"ни мағлуб эта олмади ва учрашув 1:1 ҳисобида якунланди.
Маълум бўлишича, португалиялик мутахассис 21-асрда дуранг билан дебют қилган миланликларнинг тўртинчи мураббийи бўлди.
Бу биринчи марта 2001/2002 йилги мавсумда Карло Анчелотти билан содир бўлган - "Пьяченца" билан 0:0.
Кейин Женнаро Гаттузо 2017/2018 йилги мавсумда - "Беневенто" билан 2:2 ўйнаганди. Ниҳоят, орадан икки йил ўтиб Стефано Пиоли ҳам "Лечче"га қарши баҳсда дебют қилган - 2:2.













