“Андижон” ва “Хотира-79” жамоалари ўртасидаги баҳс якунланганидан сўнг жамоамиз устози Азамат Абдураимов ўйин тўғрисидаги фикрларини билдириб ўтди.

- Учрашувнинг биринчи бўлимда шогирдларим ўзларининг энг яхши ўйинини намойиш этишди. Мен улардан ҳужумкор ва комбинацион ўйин кўрсатишларини сўрагандим. Улар мана шундай ўйинни намойиш этишди.

Биринчи бўлимнинг ўзи рақиблар дарвозасини уч бор ишғол этдик ва яна бир қатор хавфли вазиятларни яратдик. Шогирдларимнинг майдондаги ҳаракатидан қониқиш ҳосил қилдим. Мавсум охиригача мана шундай ўйнашда давом этишимиз керак.

Олдимизда “Оқтепа” ва “НБУ-Осиё” жамоаларига қарши иккита қийин ўйин тургани боис танаффусдан кейин Раҳмонов, Абдураҳимов, Жадигеров, Солиев каби етакчиларимизга дам бериб ёшларга имконият бердим. Иккинчи таймда ҳам имконият бўлди ва гол уришимиз мумкин эди. Лекин омадимиз чопамади. Боз устига бугун дарвозамиз даҳлсизлигини сақлаб қолишни хоҳлагандик, аммо битта тўп ўтказиб юбордик. Шунга қарамай, ўйинни яхши кайфиятда якунладик.