"Манчестер Юнайтед" бош мураббийи Рубен Аморим Англия кубоги 1/32 финалида Лондоннинг "Арсенал" жамоасига қарши ўйиндан кейин ҳужумчи Жошуа Зиркзее ўйини ҳақида гапирди. Нидерландиялик футболчи 81-дақиқада майдонга тушди ва пеналтилар сериясида гол киритди.
"Жошуа яхши йигит. Ҳаёт шундай тус олдики, у қийин дамларни бошдан кечирди ва бугун у биз учун ўйинни ўзгартирди. Бу жамоадаги барча футболчиларда имконият бўлади ва уларнинг барчаси омадли, чунки улар "Манчестер Юнайтед"да ўйнашади", - дея Аморимнинг сўзларини келтиради клуб матбуот хизмати расмий сайтида.
