"Ювентус" қишки трансфер ойнасида ўз таркибини кучайтиришга умид қилмоқда. Турин клуби "ПСЖ" ҳужумчиси Рандал Коло-Муанига қизиқиш билдирмоқда. Transfer News Live нашрининг La Stampa нашрига таяниб хабар беришича, "кекса сеньора" парижликлар билан янги алоқаларни режалаштирган. "Ювентус" Коло-Муанини 60 миллион еврога сотиб олиш имконияти билан ижарага олиши мумкин.

2024/2025 йилги мавсумда Коло-Муани 14 ўйин ўтказиб, икки гол урди ва жамоадошига битта голли узатма ёздириб қўйди. Нуфузли Transfermarkt портали экспертлари 26 ёшли ҳужумчини 30 миллион еврога баҳоламоқда.