Энцо Мареска Николас Жексоннинг жорий мавсумдаги фаолиятига баҳо берди.

"Мен унга худди шундай ишлашни давом эттиришини айтдим. Айтганингиздек, мавсум бошида у кўп гол урди - ҳозир у гол урмаяпти, лекин биз Николасдан жуда хурсандмиз.

Биз Николасни нафақат голларга, балки турли ҳаракатларига қараб ҳам баҳолаймиз. Мен у билан яқинда гаплашдим. Ўтган мавсумда у Премьер-лигада 14 ёки 15 та гол урди, бирортаси ҳам пенальтидан эмас. Пенальтидан голларни Холанд, Салоҳ ва Палмер кўпроқ киритади. Агар сиз 14-15 та гол урсангиз ва унга пенальтилар қўшсангиз, мавсумда 20 ёки ундан кўп гол уришингиз мумкин.

У жорий мавсумда пенальтиларсиз кўплаб голлар урди. У ҳамма нарсани жуда яхши қилади. Пенальтиларни ҳисобга олмаса ҳам, бу нормал ҳолат эмас, чунки кўпчилик марказий ҳужумчилар уларни ўзи тепади. Демак, биз ундан тўлиқ мамнунмиз", - деди "Челси" бош мураббийи.