"Манчестер Сити" ва Англия терма жамоаси ҳимоячиси Кайл Уокер вакиллари "Милан" билан боғланиб, "россонерилар" раҳбариятига футболчининг шартнома талабларини маълум қилишди.

Николо Скиранинг сўзларига кўра, Уокер 2,5 йиллик шартномани хоҳлайди. Кайл йилига 4 миллион евро ишлаб олишни режалаштирмоқда.

Италиялик бошлиқлар айни дамда футболчининг агенти билан музокара олиб боришмоқда. Марказий ҳимояда ҳам ўйнай оладиган ўнг қанот ҳимоячиси Манчестерни зудлик билан тарк этиб, хорижда ўйнашни истамоқда.