"Манчестер Сити" ҳимоячиси Кайл Уокер дам олиш кунлари дўстлари билан хайрлашув кечаси уюштирди. Бу ҳақда "Daily Mail" ёзмоқда.
Эслатиб ўтамиз, аввалроқ "шаҳарликлар" бош мураббийи Хосеп Гвардиола Уокернинг АПЛ 21-турида "Брентфорд"га қарши ўйнай олмаслигини айтганди.
Уокернинг фаолиятини давом эттириши мумкин бўлган вариантлар орасида "Милан" бор. Томонлар аллақачон фаол музокаралар олиб бораётгани ҳақида аввалроқ хабар берилган эди. Шунингдек, англиялик футболчи фаолиятини Яқин Шарқда, Саудия Арабистонида давом эттириши ва у ерда фаолиятининг охирига келиб яхшигина пул ишлаб топиши мумкинлиги ҳақида миш-мишлар бор.
