"Севилья" ҳимоячиси Кике Салас ўзи иштирокидаги ўйинларга пул тикишни уюштирганликда гумонланиб ҳибсга олинди, деб хабар беради COPE.
22 ёшли футболчи ўтган мавсумда Ла Лига ўйинларида дўстлари пул тикиб пул ишлашлари учун атайлаб сариқ карточка олганликда гумон қилинмоқда. Салас ва унинг гумон қилинаётган икки шериги тергов остида.
Полиция "Севилья" футболчисига 10 та сариқ карточка билан боғлиқ воқеаларни текширмоқда. Эътиборлиси, 10 та карточкадан 7 таси 2023/24 йилги мавсумнинг сўнгги 9 ўйинига тўғри келган.
Салас фирибгарликда айбдор деб топилса, футболчи 6 ойдан 3 йилгача озодликдан маҳрум этилиши мумкин.
