"Sevilya" himoyachisi Kike Salas o‘zi ishtirokidagi o‘yinlarga pul tikishni uyushtirganlikda gumonlanib hibsga olindi, deb xabar beradi COPE.

22 yoshli futbolchi o‘tgan mavsumda La Liga o‘yinlarida do‘stlari pul tikib pul ishlashlari uchun ataylab sariq kartochka olganlikda gumon qilinmoqda. Salas va uning gumon qilinayotgan ikki sherigi tergov ostida.

Polisiya "Sevilya" futbolchisiga 10 ta sariq kartochka bilan bog‘liq voqealarni tekshirmoqda. E’tiborlisi, 10 ta kartochkadan 7 tasi 2023/24 yilgi mavsumning so‘nggi 9 o‘yiniga to‘g‘ri kelgan.

Salas firibgarlikda aybdor deb topilsa, futbolchi 6 oydan 3 yilgacha ozodlikdan mahrum etilishi mumkin.