Жоан Лапорта Рональд Араухо "Барселона"ни тарк этиши мумкинлигига ишора қилди.
"Биз ҳар бир ўйинчимиз қолишини истаймиз, уларнинг барчаси қимматга тушади.
Араухонинг амалдаги шартномаси бор ва мен унинг қолишини истайман. Аммо баъзи ҳолатлар юзага келди, мен бу ҳақда гапирмайман, чунки мен барча тафсилотларни билмайман ва у ҳозир спорт директори билан мулоқот қилмоқда.
Биз унинг профессионал фазилатларини, лекин биринчи навбатда, шахсий фазилатларини жуда қадрлаймиз. Ҳаммага мос келадиган ечим топишга вақтимиз бор", - деди "Барселона" президенти.
Аввалроқ, "Ювентус" Рональдга жиддий қизиқиш билдираётгани ҳақида хабарлар тарқалган эди.
