“Ливерпуль” ҳужумчиси Диого Жота захирадан майдонга тушганидан сўнг дарҳол гол урди. Португалиялик футболчи "Ноттингем Форест"га (1:1) қарши ўйиннинг 66-дақиқасида майдонга тушди ва атиги 22 сониядан сўнг "ўрмончилар" дарвозасини ишғол қилди ва жамоасига дуранг келтирди.
Squawka хабарига кўра, Жота шундай статистик маълумотлар йиғилгандан бери захирадан майдонга тушганидан кейин "Ливерпул"нинг Премьер-лигадаги энг тезкор голини киритган. Арне Слот жамоаси Англия чемпионати жадвалида биринчи ўринни сақлаб қолди.
“Қизиллар” 20 ўйиндан кейин 47 очкога эга бўлса, иккинчи ўринда бораётган “Ноттингем Форест”да 21 ўйиндан кейин 41 очко мавжуд.
