"Манчестер Юнайтед"нинг собиқ бош мураббийи Эрик тен Хаг "Боруссия Дортмунд" бош мураббийлигига номзод сифатида кўрилмоқда.
Нидерландиялик мутахассис октябрь ойи охирида "қизил иблислар" бошқарувидаги лавозимини тарк этди - у ишдан бўшатилди. Журналист Патрик Бергер хабарига кўра, 54 ёшли мутахассис "Боруссия"да Нури Шаҳиннинг ўрнига номзод сифатида кўрилмоқда. Айни дамда "асаларилар" раҳбарияти мураббийга ишонишда давом этмоқда, аммо жамоа натижалари яхшиланмаса, вазият ўзгариши мумкин.
Қайд этилишича, жума куни Эрик тен Хаг дортмундликларнинг "Байер"га қарши ўз уйида 2:3 ҳисобида мағлуб бўлган ўйинига ташриф буюрган эди. "Юнайтед"нинг собиқ бош мураббийи "Боруссия"да маслаҳатчи бўлиб ишлаётган Маттиас Заммер билан яхши муносабатда.
