"Мальорка" ҳимоячиси Пабло Маффео "Реал"нинг "класико"даги мағлубияти ҳақида ҳазил қилди.
Якшанба куни мадридликлар Испания Суперкубоги финалида “Барселона”га (2:5) имкониятни бой беришди.
Турнирнинг ярим финалида “Мальорка” “Реал”дан мағлуб бўлганди (0:3) – ўйин сўнгида Жуд Беллингем Маффеонинг бошига шапалоқ урганидан кейин футболчилари ўртасида тўқнашув келиб чиқди.
"Мальорка"нинг бугунги машғулотида Маффео бир неча марта қўлларини кўтариб, ўз жамоадошларига бир қўлида беш, иккинчисида иккита бармоғини кўрсатди.
Кейинроқ ҳимоячи ўзининг Instagram'даги ҳикоясига худди шундай имо-ишора қилган суратини жойлаштирди.
