"Malyorka" himoyachisi Pablo Maffeo "Real"ning "klasiko"dagi mag‘lubiyati haqida hazil qildi.
Yakshanba kuni madridliklar Ispaniya Superkubogi finalida “Barselona”ga (2:5) imkoniyatni boy berishdi.

Turnirning yarim finalida “Malyorka” “Real”dan mag‘lub bo‘lgandi (0:3) – o‘yin so‘ngida Jud Bellingem Maffeoning boshiga shapaloq urganidan keyin futbolchilari o‘rtasida to‘qnashuv kelib chiqdi.

"Malyorka"ning bugungi mashg‘ulotida Maffeo bir necha marta qo‘llarini ko‘tarib, o‘z jamoadoshlariga bir qo‘lida besh, ikkinchisida ikkita barmog‘ini ko‘rsatdi.

Keyinroq himoyachi o‘zining Instagram'dagi hikoyasiga xuddi shunday imo-ishora qilgan suratini joylashtirdi.