«Динамо» жамоаси 15 январ куни Абу-Дабига етиб боргани заҳоти машғулотларга киришди. Кечки машғулотлардан кейин жамоа устози Вадим Абрамов фикрлари билан ўртоқлашди.
«Йиғинга келганимиз заҳоти енгил машқлар билан бошладик. Бу ерда 5та ўйин ўтказишни режалаштиргандик, айрим сабаблар туфайли бугун рақиблар ўзгаришини маълум қилишди, эртага йиғин доирасида кимлар билан ўйнашимиз маълум бўлади. Бу ўйинлар жамоа фойдасига ишлайди. Майдонларни кўриб турибсиз – кўркам, бу майдонда «Реал Мадрид» ҳам машғулот ўтказганди. Биз ҳам улардек ўйнашга интиламиз, фақат «Барса» билан ўйиндагидек эмас», - дея кулади Вадим Карленович.
