Ҳужумкор ярим ҳимоячи Хвича Кварацхелия "Наполи"дан "ПСЖ"га ўтмоқда. Le Parisen ўз саҳифаларида хабар беришича, чоршанба куни Кварацхелия неаполликлар жамоаси футболчилари билан хайрлашди. 23 ёшли грузиялик пайшанба куни Парижга йўл олади, у ерда жума куни тиббий кўрикдан ўтади ва тўрт ярим йиллик меҳнат шартномасини имзолайди.
Манбага кўра, Кварацхелиянинг "ПСЖ"га ўтиши Луис Энрикенинг жума куни ўтказиладиган ўйиндан олдинги матбуот анжуманида эълон қилиниши мумкин.
Аввалроқ, "ПСЖ" ва "Наполи" Хвича Кварацхелияни бонусларни ҳисобга олмаганда тахминан 70 миллион еврога трансфер қилиш бўйича келишиб олганди.
