Дортмунднинг "Боруссия" клуби "Манчестер Юнайтед"дан Маркус Рэшфордни ижарага олмоқчи.
Журналист Флориан Плеттенбергнинг ёзишича, дортмундликлар бош мураббийи Нури Шахин ва спорт директори Себастьян Кель "Манчестер Юнайтед"дан Маркус Рэшфорд трансферини фаол равишда олға сурмоқда.
Янги музокаралар бўлиб ўтди ва "Боруссия" 27 ёшли форвардни ижарага олмоқчи.
Бироқ, "Милан" ҳам жиддий қизиқиш билдирмоқда ва Рэшфорд трансферини якунлаш учун фаол ҳаракат қилмоқда.
Жорий мавсумда ҳужумчи Премьер-лигада 15 та ўйинда майдонга тушиб, 4 та гол урди ва 1 та голли узатмани амалга оширди.













