"Реал" ҳужумчиси Эндрик узоқ вақтдан бери илк голини нишонлади.
18 ёшли футболчи Испания кубоги 1/8 финалидан ўрин олган "Сельта"га қарши ўйиннинг қўшимча дақиқаларида гол уриб, ҳисобни "Лос-Бланкос" фойдасига 3:2 кўринишига келтирди. Бу ёш форварднинг ўтган йилнинг 17 сентябридан буён тўрт ой ичида илк голи бўлди. Ўшанд вундеркинд Чемпионлар лигасида Германиянинг "Штутгарт" клуби дарвозасини ишғол қилганди.
Эндрик жорий мавсумда Карло Анчелотти жамоаси сафида 17 та ўйинда майдонга тушиб, 3 та гол урди ва 1 та голли узатмани амалга оширди. Бугунги ўйинда бразилиялик футболчи 79-дақиқада Килиан Мбаппе ўрнига захирадан майдонга тушди.
