Мадриднинг “Реал” клуби ҳужумчиси Эндрик 4 ой ичида илк голини урди. Бразилиялик футболчи Испания кубоги 1/8 финалида "Сельта"га қарши ўйинда (5:2) иккита гол урди.
18 ёшли форвард 79-дақиқада захирадан майдонга тушди ва 108 ва 119-дақиқаларда гол уриб, қўшимча бўлимнинг асосий қаҳрамонига айланди. MisterChip маълумотларига кўра, Эндрик Роналдудан кейин "Реал Мадрид" сафида қўшимча бўлимда иккита гол урган биринчи футболчидир. Португалиялик юлдуз буни икки марта 2016 ва 2017 йилларда амалга оширган эди.
ХХI асрда "қаймоқранглилар"нинг бошқа ҳеч бир вакили шунга ўхшаш натижага эриша олмаган.













