Яп Стамнинг фикрича, "Ливерпуль" Виржил ван Дейкни ўз сафида сақлаб қолиши керак.
"Виржил ван Дейк - Премьер-лига тарихидаги энг зўр ҳимоячилардан бири. Одамлар Неманья Видич ва Жон Террини тез-тез тилга олишади, лекин ван Дейк улардан яхшироқ. Мен унинг умумий футбол савияси туфайли уни юқори ўринга қўяман. Бошқа ўйинчиларни ҳам номлашим мумкин, аммо Ван Дейк Премьер-лига тарихидаги энг яхши футболчилардан бири.
Ҳозир биз у мураббий алмашганидан кейин ҳам энг юқори савияда ўйнашда давом этаётганини кўряпмиз, лекин Арне Слот ундан Юрген Клоппдан ҳам кўпроқ нарсани кутмоқда.
Ван Дейк ҳамон ўз маҳоратини намойиш этмоқда, у ҳали ҳам ажойиб жисмоний формада, у ҳақиқий профессионал. Агар унга янги шартнома беришмаса, демак, улар футболни тушунишмайди. Аммо менимча, "Ливерпуль" ўз жамоасини қандай қуриш борасида жуда ақлли", - деди "Манчестер Юнайтед"нинг собиқ ҳимоячиси BoyleSports нашрига.
