Матбуот анчадан бери "Реал"ни Альфонсо Дэвис билан боғлаб келади. Бироқ, ҳаммаси канадалик ҳимоячининг "Бавария"да қолиши ва шартномасини узайтириши томон кетмоқда. TodoFichajes портали саҳифаларида хабар қилинганидек, Дэвисни қўлга кирита олмаганидан сўнг, "Реал Мадрид" яна бир топ футболчи - "Милан" сардори Тео Эрнандес вариантига ўтди.
Шу билан бирга, "Реал"га Тео Эрнандесни сотиб олиш қийин бўлиши таъкидланган, чунки 27 ёшли франциялик "Милан"нинг асосий ўйинчиларидан бири ҳисобланади. Шу билан бирга, Эрнандеснинг А Серия клуби билан амалдаги шартномаси фақат 2026 йилнинг ўрталарига қадар амал қилиши мадридликлар жамоасига ёрдам бериши мумкин.
