"Лестер"нинг мағлубиятли серияси АПЛнинг 22-туридан кейин ҳам давом этди.

Руд ван Нистелрой шогирдлари "Фулхэм"га 0:2 ҳисобида имкониятни бой беришди. Клуб чемпионатда қаторасига 7-марта мағлуб бўлди, бу учрашувлардаги умумий ҳисоб 2:18.

"Тулкилар" нидерландиялик мураббий қўл остида ягона ғалабасини Премьер-лигадаги биринчи ўйинида "Вест Хэм" устидан қозонганди (3:1). Кейинги турда "Брайтон" билан дуранг ўйнади (2:2), кейин эса фақат мағлуб бўлди. "Лестер" айни дамда турнир жадвалида иккинчи ўринда бормоқда.

Қайд этиш керакки, у Англия кубогида ҳам битта ғалабага эришган – "Куинз Парк Рейнжерс" устидан қозонилган ғалаба (6:2).

"Лестер"га тайинланишидан олдин, ван Нистелрой Эрик тен Хаг истеъфога чиқарилганидан кейин "Манчестер Юнайтед"да вақтинчалик бош мураббий бўлиб ишлаган ва клубни мағлубиятсиз бошқарган, учта ғалаба ва бир дуранг.