Ҳужумчи Винисиус Жуниор Саудия Арабистони клубларининг радарида қолмоқда. 24 ёшли бразилиялик юлдузга энг катта қизиқишни "Ал-Ҳилол" кўрсатмоқда.
Шу фонда, "Marca" нашри хабар беришича, "Реал Мадрид" Винисиуснинг ҳолатини хотиржам қабул қилмоқда. Бразилиялик футболчининг шартномаси ҳали ҳам икки ярим йилга мўлжалланган бўлиб, у 1 миллиард евро миқдоридаги катта товон пули бандини ўз ичига олади. Мадрид клуби Винисиусни шартномани узайтиришга кўндириш учун етарли вақт борлигини тушунади.
Винисиуснинг ўзи ҳам “Реал”да қолишни маъқул кўради, бироқ Саудия Арабистонига ўтишни истисно этмайди.
