"Астон Вилла" бош мураббийи Унаи Эмери "Арсенал"га қарши ўйиндан сўнг (2:2) фикр билдирди.
“Вилла” Микель Артета шогирдларига қарши сафарда 0:2 ҳисобида ортда қолган ўйинда мағлубиятдан қутулиб қолишди. 60-дақиқада Юри Тилеманс ҳисобни қисқартирган бўлса, 68-дақиқада Олли Уоткинс якуний натижани таблога ёздириб қўйди.
"Фантастика. Икки гол ўтказиб юборилганидан сўнг футболчиларнинг муносабати жуда ажойиб эди. Биз ҳеч қачон таслим бўлмадик. "Арсенал" ўз уйида жуда кучли. Биз янада яхши даражага эришмоқчимиз, лекин ҳали қиладиган ишларимиз бор.
Аввалига рақиб ўйинни назорат қилиб, бизга босим ўтказди. Биз иккинчи бўлимда яхши ўйнадик, тўғри муносабатда ўйнадик", - деди Эмери.
