Жанлуиджи Доннарумманинг "ПСЖ"дан кетиши ҳақидаги хабарлар тобора авж олишда давом этмоқда.
Италиялик футболчининг Париж гранди билан тузган меҳнат шартномаси 2026 йилнинг ёзида якунига етади. Журналист Лоик Танзи хабарига кўра, "ПСЖ" 25 ёшли дарвозабон билан музокараларни тўхтатган. Клуб унга ўринбосар танлашга қарор қилди - "Лилль"дан Люка Шевалье. Парижликлар раҳбарияти 23 ёшли франциялик футболчини қўлга киритиш учун барча имкониятларни ишга солади.
Манбага кўра, "Лилль" трансферга ён бериш ниятида эмас ва ўз дарвозабони учун катта сумма сўраши мумкин. Transfermarkt Шевальенинг нархини 30 миллион еврога баҳоламоқда.













