"Астон Вилла" раҳбарияти жамоани кучайтириш устида ишламоқда. Нуфузли инсайдер Фабрицио Романонинг ижтимоий тармоқларда хабар беришича, Бирмингем клуби "Севилья" ҳимоячиси Лоик Баде борасида музокаралар олиб бормоқда. 24 ёшли франциялик футболчи бирмингемликлар марказий ҳимоячи учун номзодлар рўйхатида биринчи ўринни эгаллаб турибди.

2024/2025 йилги мавсумда Баде "Севилья" сафида 17 та расмий ўйинда майдонга тушиб, битта голли узатмани амалга оширган. Нуфузли «Transfermarkt» портали экспертлари футболчини 25 миллион еврога баҳоламоқда.