"Милан" ҳужумни кучайтириш учун вариантларни излашда давом этмоқда. "Россонерлар"нинг асосий мақсади "Челси" футболчиси Жоау Феликс бўлиб, А Серия клуби ҳужумчини "Челси"дан мавсум охиригача ижарага олишга тайёр.
La Gazzetta dello Sport хабарига кўра, "Милан" "Барселона" вингери Ферран Торреснинг номзодини ҳам кўриб чиқмоқда. Агар Феликс билан келишув амалга ошмаса, испаниялик футболчи "Б режаси" сифатида танланган.
Торрес ушбу мавсумда Ханс-Дитер Флик жамоасида 20 та ўйинда майдонга тушиб, 6 та гол урди ва 2 та голли узатмани амалга оширди.
