"ПСЖ" ярим ҳимоячиси Витинья жамоа Килиан Мбаппесиз қандай курашаётгани ҳақида гапирди. Ўтган ёзда франциялик форвард шартномасини узайтиришдан бош тортган ҳолда парижликларни эркин агент сифатида тарк этган ва шундан сўнг у "Реал"га ўтганди.
“Мбаппе – дунёнинг энг яхши футболчиларидан бири, гарчи энг яхшиси бўлмаса ҳам. Биламизки, унинг ўрнини босиш жуда қийин, аммо биз унинг йўқотилишини биргаликда қоплай оламиз. Менимча, Килиан кетганидан кейин биз жамоа сифатида кучли эканлигимизни исботладик", - дея Витинья сўзларини келтиради Madrid Universal.
Килиан Мбаппе 7 йил давомида "ПСЖ" шарафини ҳимоя қилди. У Лига 1 гиганти учун 308 ўйинда 256 гол ва 106 голга ассистентлик қилган.
