Киевнинг "Динамо" клуби вингери Назар Волошин "Аякс" эътиборини тортди.
Бу ҳақда De Telegraaf хабар бермоқда.
Нашрнинг ёзишича, Нидерландиянинг 36 карра чемпиони ҳужум чизиғида мустаҳкамловчиларни қидирмоқда. Жамоанинг жорий мавсумдаги дастлабки мақсади "Вальядолид"дан вингер Раул Моро бўлди, бироқ оғир жароҳат туфайли у уч ойга сафдан чиқди, шу сабабли унинг трансфери бўйича музокаралар тўхтатилди.
Энди Волошин рўйхатдан жой олди. "Аякс"нинг фикрича, украиналик футболчи жамоанинг ўйин схемасига тўғри келиши керак ва клубни эндигина 21 ёшли футболчининг истиқболи ҳам ўзига тортмоқда.
Жорий мавсумда Волошин клуб миқёсида 25 та ўйин ўтказиб, 1 та гол урди ва 7 та голли узатмани амалга оширди. Transfermarkt унинг нархини 4 миллион еврога баҳоламоқда.
