"Арсенал" бош мураббийи Микель Артета Чемпионлар лигаси доирасида Хорватия клубига қарши ўйин олдидан Фабио Каннаваро Загребнинг "Динамо" жамоасига бош мураббий этиб тайинлангани ҳақида фикр билдирди.
"Албатта, унинг тайинланиши ўйинга таъсир қилади, уларда янги мураббий бор ва охирги ойда расмий учрашувлар ўтказилмаган. Ҳа, биз мураббийлар штаби ғояларини, уларнинг тактикасини тушуниш учун уларнинг ўртоқлик ўйинларини кузатдик, аммо Каннаваро мослашувчан мураббий, Хитой ва Италияда у турли схемалардан фойдаланган, биз ўйин давомида мослашишга мажбур бўламиз", - деди Артета "Арсенал" матбуот хизматига.
Лондон клуби ва Загребнинг "Динамо" жамоалари ўртасидаги ўйин 23 январь куни соат 01:00да бошланади.
