"Реал" ҳужумчиси Килиан Мбаппе Ла Лиганинг 19-турида "Атлетик"ка қарши ўйинда (1:2) амалга оширилмаган пенальти у учун Мадрид клубида бурилиш нуқтаси бўлганини такидлади.
"Менда ёмон вақтлар бўлган, чунки мен доим кўпроқ нарсани қилишни, ўзим ва жамоам учун ҳамма нарсани беришни хоҳлайдиган футболчиман. Ва сиз хоҳлаган нарсангизга эришмаётганингизни кўрсангиз, бу сизга таъсир қилиши нормалдир.
Бу ерда ўйнаш - бу ажойиб имконият, мен буни ҳар доим айтганман. Лекин мен булар содир бўлиши мумкинлигини билардим ва айтганимдек, Бильбаодаги ўтказиб юборилган пенальти "яхши дақиқа" бўлди, чунки бу менинг менталитетимни ўзгартирди. Мен бундан паст даражага туша олмадим. Вазият фақат яхшиланиши мумкин эди. Мен юқори тоифали футболчи эканлигимни ва “Реал”га ёрдам бера олишимни исботлашгина қолди", - дейди Мбаппе матбуот анжуманида.
