"Боруссия" Нико Ковач билан музокаралар олиб бормоқда.
53 ёшли мутахассис бугун ишдан бўшатилган бош мураббий Нури Шаҳин ўрнига дортмундликлар жамоасини бошқариши мумкин.
Sky Sport журналисти Патрик Бергернинг ёзишича, Ковач яқинда "Бешиктош" билан шартномани рад этган ва "Боруссия"да ишлашга тайёр.
Клуб дастлаб "Бавария" ва "Монако"нинг собиқ мураббийи билан олти ойлик шартнома имзолашни режалаштирган. Агар келишувга эришилмаса, муқобил номзодлар кўриб чиқилади.
"Боруссия" Бундеслига турнир жадвалида 18-турдан кейин 25 очко билан 10-ўринда бормоқда.
