"Милан" Сантьяго Хименес учун 40 миллион евро таклиф қилишга тайёр.

Чоршанба куни "Бавария"га қарши Чемпионлар лигаси ўйинида (3:0) иккита гол урган 23 ёшли форвард учун "Фейеноорд" талаб қилаётган сумма шу.

Ўйиндан сўнг мексикалик форвард Роттердам клубини тарк этиш эҳтимолини баҳолади: "Кўрамиз, нима бўлади. Олдинда ҳал қилувчи ҳафталар бор ва ҳаммаси Худонинг қўлида. Мен "Фейеноорд" ва унинг мухлисларини яхши кўраман, улар мен учун биринчи кундан бери жуда кўп иш қилган. Мен уларга кўп голлар совға қиламан".

Жорий мавсумда Хименес барча мусобақаларда 18 та ўйинда 15 та гол ва 3 та голли узатмани амалга оширди.