"Барселона" бош мураббийи Ханс-Дитер Флик жамоа ҳужумчиси Пау Виктор Роберт Левандовскининг тўлиқ ўрнини боса олишига ишонмаяпти. Бу ҳақда Mundo Deportivo хабар бермоқда.
Шу билан бирга, манбанинг таъкидлашича, "Барселона" шартномаси 2029 йилгача мўлжалланган 23 ёшли Викторни сотишни режалаштирмаяпти. Жорий мавсумда 36 ёшли Левандовски барча турнирларда 29 та ўйинда майдонга тушиб, 28 та гол урди ва 3 та голли узатмани амалга оширди.
Виктор ўйнаган 18 ўйинда атиги 2 гол ва 1 голли узатмага эга. 20 турдан кейин "Барселона" 39 очко билан Испания чемпионати турнир жадвалида учинчи ўринда бормоқда.
